УИХ-ын чуулганы нэгдсэн хуралдаанаар Төрийн байгуулалтын байнгын хорооны даргаар УИХ-ын гишүүн Н.Энхболдыг сонгох тухай асуудлыг хэлэлцэн, гишүүдийн 74.4 хувийн саналаар дэмжлээ.
Учир нь УИХ-ын Төрийн байгуулалтын байнгын хорооны даргаар УИХ-ын гишүүн асан Ж.Мөнхбат ажиллаж байсан бөгөөд бүрэн эрхээсээ түдгэлзэж, хувийн шалтгаанаар өргөдлөө өгч, олонхийн саналаар УИХ-ын гишүүнээс чөлөөлсөн билээ.
Мөн тэрбээр нүүрсний асуудлаар хууль хяналтын байгууллагаар шалгуулж байгаа юм. Тиймээс УИХ дахь МАН-аас УИХ-ын гишүүн Н.Энхболдыг байнгын хорооны даргад дэвшүүлсэн гэж бүлгийн дарга Д.Тогтохсүрэн мэдэгдлээ.
Н.Энхболд намтар:
1974 онд Төв аймгийн Зуунмод хотын 10 жилийн дунд сургууль
1979 онд ЗХУ-ын Москва хотын Хэвлэлийн дээд сургууль Инженер- эдийн засагч мэргэжлээр
1990 онд ЗХУ-ын Москва хотын Коммунист намын дээд сургууль
1996 онд Австрали улсын Сиднейн их сургуулийн магистрантур тус тус төгссөн.
1979-1980 онд Соёлын яамны хэвлэлийн нэгдсэн редакцид эдийн засагч
1980-1986 онд Соёлын яамны Төлөвлөгөө эдийн засгийн хэлтэст мэргэжилтэн, ахлах мэргэжилтэн
1986-1990 онд Улсын Хэвлэлийн Комбинатын орлогч дарга
1990-1993 онд Монгол Хэвлэл нэгтгэлийн ерөнхий захирал
1993-1995 онд Монгол Улсын Шадар сайдын зөвлөх
1997-2000 онд Монгол Улсын Ерөнхийлөгчийн Тамгын газрын Мэдээлэл харилцааны албаны дарга
2000-2004 онд Монгол Улсын Их Хурлын гишүүн
2004-2008 онд Монгол Улсын Их Хурлын гишүүн
2006-2007 онд Монгол Улсын Засгийн газрын гишүүн, Гадаад хэргийн сайд
2007-2008 онд Монгол Улсын Засгийн газрын гишүүн, Монгол Улсын сайд, Засгийн газрын хэрэг эрхлэх газрын дарга
2008-2012 онд Монгол Улсын Их Хурлын дэд дарга
2008-2012 онд Монгол Улсын Их Хурлын гишүүн
2012-2013 онд Монгол Улсын Их Хурал дахь Монгол Ардын Намын бүлгийн дарга
2012-2016 онд Монгол Улсын Их Хурлын гишүүн
2016-2020 онд Монгол Улсын Их Хурлын гишүүн
2016-2017 онд Монгол Улсын Их Хурлын Төрийн байгуулалтын байнгын хорооны дарга
2017 оноос Монгол Улсын Засгийн газрын гишүүн, Батлан хамгаалахын сайд
2020 оноос Монгол Улсын Их Хурлын гишүүн