Монгол Улсын ерөнхийлөгч Х.Баттулга БНХАУ-ын дарга Ши Жиньпиний урилгаар энэ долоо хоногт буюу дөрөвдүгээр сарын 24-28-ны өдрүүдэд өмнөд хөршид төрийн айлчлал хийх гэж байна. Ерөнхийлөгч айлчлалынхаа үеэр "Нэг бүс нэг зам" олон улсын хамтын ажиллагааны II чуулга уулзалтад оролцох ажээ. Монгол Улсын Ерөнхийлөгчийн айлчлалын талаар БНХАУ-ын ГХЯ-ны хэвлэлийн төлөөлөгч Лү Кан баасан гаригт хэвлэлийн бага хурал дээр мэдэгджээ.