Нийслэлийн харьяа соёл, урлагийн байгууллагуудын ажилтан, албан хаагчид, уран бүтээлчид, соёлын ажилтнууд, дүүргүүдийн соёлын асуудал хариуцсан мэргэжилтнүүдийн оны шилдгүүдийг тодруулах “Алтан Хангарди-2024” наадам хоёр дах жилдээ зохион байгуулагдахаар товлогдсон бөгөөд ердөө гурав хоногийн дараа буюу энэ сарын 30-ны өдөр шилдгүүдээ тодруулах нь ээ. Тус наадам өнөө жил “Crocus Event Hall”-д зохион байгуулагдана.

“Алтан Хангарди-2024” наадамд нийслэлийн Соёл, урлагийн газар, нийслэлийн харьяа соёл, урлагийн байгууллагууд буюу Улаанбаатар театр, Соёлын төв өргөө, Улаанбаатар хотын нийтийн төв номын сан, Улаанбаатар хотын музей, Багануур, Багахангай, Баянзүрх, Хан-Уул, Сонгинохайрхан, Налайх, Чингэлтэй дүүргийн соёлын ордоны урам бүтээлчид оролцож оны шилдгүүдээ дараах номинациудаар тодруулна.

Үүнд:

-Шилдэг Үйлчилгээний ажилтан,

-Шилдэг Техникийн ажилтан,

-Шилдэг Соёлын ажилтан,

-Шилдэг Багш,

-Шилдэг Соёлын мэргэжилтэн,

-Шилдэг Уран бүтээлч,

-Шилдэг Менежер,

-Шилдэг Санхүүгийн ажилтан,

-Шилдэг Төсөл санаачлан хэрэгжүүлэгч,

-Шилдэг Захиргааны ажилтан,

-Шилдэг Төрийн жинхэнэ албан хаагч,

-Шилдэг Удирдах ажилтан номинациар шалгаруулна.

“Алтан Хангарди-2024” наадмын ерөнхий зохион байгуулагчаар Нийслэлийн Соёл, урлагийн газар, хамтран зохион байгуулагчаар Соёл, спорт, аялал жуулчлал, залуучуудын яам, Нийслэлийн Засаг даргын тамгын газар ажиллаж байгаа аж. 

Нийслэлийн харьяа соёл, урлагийн байгууллагуудын ажилтан албан хаагчид, уран бүтээлчид, соёлын ажилтнууд, дүүргүүдийн соёлын асуудал хариуцсан мэргэжилтнүүдийн оны шилдгийн шилдгүүдийг тодруулах “Алтан Хангарди -2024” наадмаар уулзацгаая.