Сайн дурын, авлагагүй, цусны донорын эгнээг өргөжүүлэх, цусны донорын үйлсийг сурталчлах, тэднийг алдаршуулж урамшуулах зорилго бүхий “Цусаа бэлэглэх өдөр”-ийн 85 дахь удаагийн арга хэмжээ өнөөдөр болох гэж байна. Энэ удаагийн арга хэмжээг Монголын аялал жуулчлалын холбоо төрийн бус байгууллага зургаа дахь жилдээ хамтран зохион байгуулж буй юм. Сар бүрийн 3-нд тохиодог цусаа бэлэглэх арга хэмжээ 11.00 цагаас Цус сэлбэлт судлалын үндэсний төвд эхэлнэ.