"Halloween"-ий баяр тэмдэглэж айлуудаас чихэр гуйж явсан есөн настай охиныг харанхуй орцонд согтууруулах ундаа хэрэглэсэн иргэн өшиглөсөн хэрэг өчигдөр гарсан билээ.
Тодруулбал, Баянгол дүүргийн 18 дугаар хорооны нутаг дэвсгэрт “Доод айлын хүн манай хүүхдийн гэдэс рүү өшиглөсөн байна” гэх дуудлага ирсэн бөгөөд дуудлага мэдээллийг тус дүүргийн цагдаагийн нэгдүгээр хэлтэс шалгасан аж.
Бичлэгт гарч буй дүрсэнд охин цагаан нөмрөгтэй айлын хаалга тогших бөгөөд үүдээ тайлсан хүн цочихдоо охиныг хойш нь түлхэж өшиглөж буй нь бичигджээ. Мөн араас нь гарч ирээд охинд чихэр өгч, даавууг авч буй нь бичигдсэн байгаа юм. Гэсэн ч энэ үйлдлийг гаргасан 56 настай Х нь архи согтууруулах ундааны зүйл хэрэглэсэн байсан учраас өшиглөсөн гэх хэргийг нь өдгөө харьяа дүүргийн цагдаагийн хэлтэс шалгаж байна.