Нийслэлийн  Сүхбаатар дүүрэгт хүүхдийн тоглоомын талбайд тоглож байсан хөвгүүн бусдын хүүхдийг бөмбөгөөр санаандгүй оносон ажээ. 

Бөмбөгт оногдсон хүүгийн аав бухимдаж хөвгүүнд гар хүрч, биед нь халдсан байна. Түүний эл үйлдлийг хөндлөнгөөс харсан иргэн бичлэг хийж, цахим орчинд түгээснээр хүүгийн аав олон нийтийн шүүмжлэлд өртөв. Энэхүү хэргийг Сүхбаатар дүүргийн цагдаагийн газраас дуудан тайлбар, мэдүүлэг авч байгаа аж.