2023 оны хоёр дахь Элсэлтийн Ерөнхий Шалгалт өнөөдөр 10:00 цагт Монгол хэл бичгийн шалгалтаар эхэллээ. Мөн 13:00 цагт Түүх, 16:00 цагт Англи хэлний шалгалт зохион байгуулагдана.
Энэ удаагийн шалгалтад нийт 5645 шалгуулагч бүртгүүлжээ. Шалгалт нийслэлийн зургаан байршилд явагдана.
Тодруулбал, Чингэлтэй дүүрэгт 23 дугаар сургууль, 39 дүгээр сургууль, 57 дугаар сургууль, Сүхбаатар дүүрэгт нэгддүгээр сургууль, 6зургаадугаар сургууль, 45 дугаар сургуулиудад болно.
Шалгалтад ирэхдээ дараах материалыг бүрдүүлсэн байна
Үүнд:
- Иргэний үнэмлэх болон түүнтэй дүйцэхүйц баримт бичиг
- Бүртгэлийн хуудас
- Суудлын хуваарь
- Бүрэн дунд боловсролын гэрчилгээ
Шалгуулагч нь шалгалтад дээр заасан баримт бичгээс өөр эд зүйл буюу ном, дэвтэр, бугуйн цаг, ноорог цаас, тооны машин, томьёоны хураангуй, үзэг, гар утас зэргийг авч орохыг хориглоно.