Өчигдөр буюу 2025 оны гуравдугаар сарын 11-ний 19.00 цагийн орчим Төв аймгийн цагдаагийн газарт "Өндөрширээт сумын нутаг дэвсгэрт автомашинууд мөргөлдөж, хүн нас барсан байна" гэх харамсалтай дуудлага мэдээлэл бүртгэгджээ.

Улмаар дуудлагын дагуу цагдаагийн албан хаагчид очиход орон нутгаас өвчтөн тээвэрлэж явсан түргэний машин том оврын автобустай мөргөлдсөний улмаас эмч өвчтөн нарын зургаан хүн нас барж, хоёр хүүхэд гэмтсэн ноцтой осол гарсан аж. 

Нас барсан эмч Баянхонгор аймгийн мэс заслын шилдэг эмч нарын нэг бөгөөд Улаанбаатарт эмчлүүлэх шаардлагатай өвчтөнүүдээ аваад сувилагчийн хамт зорчиж явжээ. Завхан-Улаанбаатар чиглэлийн том оврын автобустай мөргөлдсөний улмаас уг осол гарсан бөгөөд автобусанд зорчиж явсан иргэд гэмтэж, бэртээгүй байна.