УИХ-ын гишүүн Д.Гантулгын өмгөөлөгч Г.Батбаяртай холбогдож “таван үг” солилоо.

-УИХ-ын гишүүн Д.Гантулга хаана явна вэ. Түүнийг баривчилж, хорьсон. Улмаар хилээр гарсан гэх хуурамч бичиг үйлдсэн гэсэн мэдээлэл гараад байгаа. Энэ үнэн юм уу?

-Ташаа мэдээлэл. Гадагшаа ажлаар явсан. АНУ болон Герман улсад ажилтай яваа. Эзгүй хойгуур нь баривчлах, хорих шийдвэр гарна гэж байхгүй. УИХ-ын гишүүнийг захирамж байхгүйгээр шууд баривчлах ажиллагаа явуулах боломжгүй. Захирамж нь оргон зайлсан, дахин гэмт хэрэг үйлдэж магадгүй үед гардаг.

-Д.Гантулга гишүүн хэзээ ирэх юм бэ?

-Хаврын чуулганы нээлтийн үеэр ирэх байх.

-Баривчлахын тулд юу шаардлагатай байдаг юм бол. Хэн энэ шийдвэрийг гаргах вэ?

-Баривчлахын тулд шүүгчийн захирамж гарах ёстой. Шүүгчийн захирамж гарахгүй байгаа үндэслэл нь УИХ-ын гишүүний бүрэн эрх, халдашгүй дархан байдал юм. Үүнийг нь хязгаарладаг ганц­­хан заалт бий. Улсын ерөн­­хий прокурор тухайн ги­шүү­­нийг баривчлах хүсэлтээ УИХ-д оруулдаг байсан. Үүнийг Үндсэн хуулийн цэ­цийн дүгнэлтээр хүчингүй бол­­­госон. Ингэхээр УЕП, УИХ хоорондоо харьцахгүй, ямар ч алхам хийж чадахгүй бай­­­гаа юм.

-Цагдан хорих шийдвэр гарсан гээд байх юм?

-Гараагүй. Гүтгэх хэлбэ­рийн мэдээлэл шүү дээ. Ха­рин шинжээч эмч нарын дүг­нэлт буруу гарсан байж бол­зош­гүй байгаа. Энэ асууд­лын хү­рээнд шинжээч эмч нар шалгагдаж байна.

-Таны хэлсэн гэх таа­шаал авсан бол хүчин гэж тооцохгүй гэсэн үг соош­лоор цацагдаад байна. Та яг ингээд хэлчихсэн юм уу?

-Тийм ээ. Би хэлсэн. Эрүү­гийн хуульд байгаа. Харин хүч хэрэглэсэн, хүч хэрэглэхээр завдсан, насанд хүрээгүй, биеэ хамгаалах чадваргүй үед миний хэлсэн үг, хуулийн заалтад хамаарахгүй гэдгийг ойлгоорой. Харин насанд хүр­сэн залуус бэлгийн ха­рил­цаанд орчихоод нэгнийгээ хү­­чиндсэн гэж шүүхэд ханд­вал хүсэл зоригийн асуу­дал яриг­дана. Үнэхээр дур­тай бай­сан уу, үгүй юу гэ­дэг зүйл ярина. Тухайн эмэг­тэй­гээс эмнэлзүйн шин­жил­гээ авна. Эмнэлзүйн шин­­жилгээр таашаал авсан нь тодорхой болчихвол хэр­гийг хэрэгсэхгүй болгоно. Хууль хүн бүхэнд ижил тэгш үйлч­лэх ёстой.

-Манай улсад шинжилж, гар­гаж ирэх боломжтой юу?

-Шинжээч эмч нарын дүг­нэлтээр бусад нөхцөл байд­лаар эмэгтэй хүний ДНК-гаар гар­даг. Үүнийг үндэслэж хэлж, ярьж байна. Хэрвээ ийм дүгнэлт гарвал энэ хэрэг үгүйс­­­гэгдэж, хэрэгсэхгүй бо­лох бүрэн боломжтой.