Шинэ төрлийн коронавирусийн халдвартай болох нь тогтоогдсон Франц улсын иргэнтэй нэг онгоцоор ирсэн англи иргэний шинжилгээний хариу сөрөг гэдгийг ХӨСҮТ-өөс мэдээлсэн билээ. Мөн Засгийн газрын Хэвлэл мэдээлэл, олон нийттэй харилцах хэлтсийн дарга Ц.Ганзориг “Халдвар авсан гадны хүнтэй хамгийн ойр байсан 9 хүн болон нийт 58 хүний шинжилгээ сөрөг буюу халдваргүй гарлаа. Нийлбэр дүнгээрээ 207 хүний шинжилгээ сөрөг буюу халдваргүй гараад байна. Шинжилгээ үргэлжилж байна” гэж мэдээлэл өгөв.