“Жаст” группийн захирал Ш.Батхүүг “Эрдэнэт үйлдвэр”-ийг барьцаалж их хэмжээний зээл авсан хэмээн цагдан хориод гурван сар гаруйн хугацаа өнгөрсөн. Ш.Батхүүг хорих хугацаа энэ сарын 12-нд дууссан. Шүүхээс түүнийг хорих хугацааг дахин 15 хоногоор сунгасан. Албаны эх сурвалжийн мэдээлснээр өчигдөр орой түүнийг батлан даалтад гаргажээ.
Ш.Батхүүгийн биеийн байдал муудсаар байгаа тул маш өндөр тунгаар инсулин тариулж байгаа аж. Үүний улмаас бөөр, тархины мэдрэлийн судсанд нь ноцтой өөрчлөлт гарч эхэлсэн төдийгүй цаашид ийм байдлаар “амьд байлгахад” амаргүй гэдгийг түүний ойрын эх сурвалжууд хэлжээ.