НОБГ-ын Чингэлтэй дүүргийн Онцгой байдлын хэлтсээс дүүргийн нутагт дэвсгэрт байршилтай УИХ-ын 2020 оны сонгуулийн санал авах байруудад шалгалт хийхэд 122 зөрчил илэрчээ.

Гамшгаас хамгаалах болон гал түймрийн улсын хяналтыг хэрэгжүүлэх уг төлөвлөгөөт шалгалтаар дүүргийн нутаг дэвсгэрт байршилтай сонгуулийн санал авах хэсгийн хороодын нийт 44 барилга, байгууламжийг шалгасан байна.

Хяналт, шалгалтын явцад 38 зөрчлийг газар дээр нь арилгуулан, бусад 84 зөрчлийг арилгуулах талаар гал түймрийн улсын хяналтын байцаагчийн мэдэгдэл-44, дүгнэлт-1 бичиж холбогдох эрх бүхий албан тушаалтанд хүргүүлэн хэрэгжилтэд хяналт тавьж ажиллажээ.

Мөн сонгуулийн санал авах 44 хэсгийн хороодын бүрэлдэхүүнд Гамшгаас хамгаалах болон Галын аюулгүй байдлын тухай хууль, стандарт хэрэгжилтийг хангаж ажиллах талаар цахим сургалт зохион байгуулж, заавар, зөвлөмж өгч ажилласан байна.