“33 16” УНП улсын дугаартай, ёохор талх хүргэдэг хүргэлтийн автомашинтай залуу энэ сарын 10-нд Гандан орчим замын дундах ногоон байгууламж дээгүүр машинтайгаа гарч, буцаж эргэхдээ зөрчил гаргасан гэх бичлэг соошл орчинд цацагдсан.

Тэгвэл уг жолоочийг олж, хариуцлага тооцжээ. Өөрөөр хэлбэл,  Замын хөдөлгөөний дүрэм зөрчиж нийтийн эзэмшлийн зам зүлгэн дээгүүр явж зөрчил гаргасан этгээдийг саатуулан захиргааны арга хэмжээ авч сүйтгэсэн ногоон байгууламжыг өөрөөр нь сэргээлгэхээр болжээ. Жолоочийг машин жолоодох эрхийг нэг жилээр хассан байна. Машины жолооч нь 20 гаруй насны залуу байсан бөгөөд “Талх хүргэх яаралтай ажилтай явсан. Дэлгүүрийн эзэд утасдаад, түгжрэл ихтэй байсан учраас аргагүй байдалд орсон” хэмээн мэдүүлэг өгчээ.