Өнөөдөр УИХ-ын 18, 28 дугаар тойрогт УИХ-ын нөхөн сонгууль явагдаж байна. Санал хураалт өнөөдөр өглөө 07.00 цагаас эхэлсэн бөгөөд 20.00 цагт хаах юм.
УИХ-ын сонгуулийн 18 дугаар тойргийн сонгогчдын нэрийн жагсаалтад нийт 51,495 сонгогч, 28 дугаар тойрогт 122,974 сонгогч бүртгэгдсэн. Гэвч 18 дугаар тойргийн сонгогчдоос 748 сонгогч түр хасав тэмдэглэгээтэй болсон учраас 50.747 сонгогч саналаа өгөхөөр бүртгүүлжээ. Харин СХД-ийн буюу 122.974 сонгогчоос 9043 сонгогч түр хасагдаж, 113.931 сонгогч саналаа өгч байна.
Сонгууль зохион байгуулах ажилд нийт 1931 төрийн албан хаагч ажиллаж байна. Сонгуулийн ерөнхий хорооноос сонгуулийн ирцийн мэдээг санал авах өдөр 13:00, 17:00, 21:00 цагт олон нийтэд мэдээлэх болно. Эрхэм уншигч та ирцийн мэдээллийн доорх линкээр орж хараарай.