Өчигдөр буюу 20.43 цагийн үед МАН-ын Тусгаар тогтнолын ордонд гал гарч байгаа гэх мэдээлэл сошиал орчинд цацагдсан билээ.
Тэгвэл Тусгаар тогтнолын ордонд гал гарсан нь үнэн бөгөөд зоорийн давхар буюу "Оргил" худалдааны төвийн хог байрлаж байсан өрөөнөөс гал гарсныг Чингэлтэй дүүргийн Онцгой байдлын хэлтсийн Гал түймэр унтраах, аврах аравдугаар ангийн алба хаагчид таван минутын дотор дуудлагын дагуу очиж, галыг унтраасан аж. Галын улмаас ноцтой хохирол учраагүй байна.