Төв аймгийн Жаргалантад баригдаж буй Хайбрид хауз буюу эко барилгын төсөлтэй танилцлаа. Барилгын салбарт инноваци нэвтрүүлж буй тус төслийн хамт олон 100 гаруй эко барилгыг ашиглалтанд оруулсан бөгөөд энэ хугацаанд технологио сайжруулж 100 хувь нарны илчээр дулаанаа шийдсэн амины орон сууцуудыг бүтээж эхэлжээ.
Эрс тэс уур амьсгал, хотын алдаатай төлөвлөлтийн улмаас үүссэн нийслэлийн утааны асуудлыг цэгцлэхэд олон улсын стандартад нийцсэн эко барилгын төсөл, санаачилгууд зөв шийдэл байх болно. Энэ ч утгаараа үнэ өртгийн хувьд хямд, байгаль орчинд ээлтэй, ашиглалтын зардал бага, амины орон сууцаар иргэдээ хангах зорилгоор “ногоон бонд” гаргаж олон улсаас хөрөнгө оруулалт татах боломж бий. Энэ асуудлыг судалж, ажиллахыг зохих албаны хүмүүст үүрэг, чиглэл болголоо.
