ТЕГ өчигдөр УИХ-ын гишүүн, Дэд бүтцийн сайд асан С.Зоригийн хамтран амьдрагч Б.Булганаас байцаалт авчээ. Байцаалт 14.00 цагийн үед эхэлж, 16.45 цагт дууссан байна. УЕПГ-аас “С.Зоригийн амь насыг хөнөөсөн онц ноцтой гэмт хэргийн захиалагчийг тогтоох ажлын явцад уг хэрэгт Б.Булган хамжигчаар оролцсон байж магадгүй гэх шинэ нотлох баримт гарч ирсэн тул яллагдагчаар татсан” хэмээн мэдэгдээд байгаа юм. Б.Булган нь 1998 оноос хойш уг хэрэгт гэрчийн мэдүүлэг өгсөөр ирсэн бөгөөд захиалагчийг тогтоох ажил эхэлснээс хойш олон удаа мэдүүлэг өгөөгүй хэмээн УЕП-ын орлогч Г.Эрдэнэбат мэдэгдсэн байдаг.