Завхан аймгийн Отгон сумын гурван иргэн энэ сарын 10-ны өдөр Отгонтэнгэр уулын хормойд байдаг Бадархундага нуурын орчимд явж байгаад үл таних гурван этгээдтэй таарчээ.

Тэдний нэг нь усанд шумбагчийн хувцастай байсан бөгөөд гурвуулаа шуудаатай зүйл үүрсэн байсан аж. Улмаар, нутгийн иргэдийг харсан даруйдаа зугтсан аж. Харин нутгийн гурван иргэн тэдний араас хөөхөд нэг нь өмнөөс нь гал нээж, нэгнийх нь хоолойн тус газар буудаж гэмтээжээ.

Улмаар, нутгийн гурван иргэний бэлд байрлуулсан машиныг унаж зугтсан  аж. Нутгийн иргэд энэ талаар мэдээллийг Аймгийн цагдаагийн газарт хүргэснээр өргөн бүрэлдэхүүнтэй ажлын хэсэг гарч эрэл хайгуул хийснээр хоёрыг нь баривчилжээ. Харин үлдсэн нэг иргэнийг өчигдөр барьсан байна. Тэдгээр иргэд нутгийн иргэдийн Бадархундага нууранд өргөсөн алт, мөнгөн эдлэлийг тоносон байж магадгүй юм байна.