Манай гаригийн хамгийн их хүн амтай Энэтхэг улсын бүх нийтийн сонгуулийн санал хураалт эхэллээ.
Тус улсын бүх нийтийн сонгууль олон хоног үргэлжилдэг гэдгээрээ онцлогтой. Тэгвэл Энэтхэгт ганцхан сонгогчтой сонгуулийн хэсэг ажиллаж байна. Тэрхүү хэсэгт Хинди шашны номлогч Махант Харидас Удасен ганцаар сонгогчоор бүртгэгдсэн байх бөгөөд өчигдөр санал өгсөн аж.
Тэрбээр хэрэв санал өгөхгүй бол уг сонгуулийн хэсгийн ирц хүрэхгүй. Харин саналаа өгсөнөөр ирц нь 100 хувь болжээ. Сонгуулийн хуульд заасны дагуу сонгуулийн хэсгийн санал авах байрууд сонгогчоос хоёр км-ээс холгүй зайд байрлах ёстой. Энэ дагуу Гужарат мужийн Банеж хотын Гир гэх ойн сан бүхий газарт бясалган амьдардаг номлогчид зориулж санал авах байр бэлтгэсэн нь энэ аж. Тус ойд түүнээс өөр хүн үгүй.
Энэтхэгийн сонгуулийн санал хураалт зургаадугаар сарын 1 хүртэл үргэлжилнэ. Энэ сонгуульд 969 сая хүн санал өгөх эрхтэй.
