“Хилчин хотхон” нь 2011 онд ашиглалтанд орсноос хойш DZL маркийн долоон Мвт-ын хүчин чадалтай халаалтын зуухнаас халж байсан аж. Үүнийг болиулж,  төвлөрсөн дулаан хангамжид холбогдсоноор 3500 гаруй оршин суугч, иргэдийн тав тухтай амьдрах нөхцөлийг бүрдүүлж халаалтын хүндрэлтэй асуудлыг шийдвэрлэсэн байна. Тус хотхоны гурван халаалтын зуухнуудыг бүрэн зогсоосноор түүхий нүүрсний хэрэглээг жилд 9000 гаруй тонноор бууруулж агаарт хаягдах хорт хаягдлын хэмжээг 511 тонноор бууруулсан байна.