Гуравдугаар сарын 6-ны өдөр ДЭМБ-ын ажилтнуудтай албан уулзалт хийсэн УИХ-ын дарга Г.Занданшатарын шинэ коронавирус илрүүлэх шинжилгээ сөрөг буюу халдваргүй гарчээ.
УИХ-ын даргыг өчигдөр тусгаарлаж, шинжилгээ авсан байна. ДЭМБ-ын төлөөлөл манай улсад ажилласан бөгөөд тэд шинэ коронавирусийн халдвартай болох нь тогтоогдсон Францын иргэнтэй нэг онгоцоор ирсэн. ДЭМБ-ын төлөөллийн шинжилгээний хариу ч мөн сөрөг гарсан аж.