Нийслэлийн нийтийн тээвэрт явах “Yutong” үйлдвэрийн эхний ээлжийн автобуснууд Эрээн рүү хөдөлсөн талаар өнөөдөр хотын дарга Х.Нямбаатар өөрийн цахим хуудсаараа дамжуулан мэдээлж, бичлэгийг нийтэлсэн юм.
Үүнтэй холбоотойгоор цахим орчинд одоо ирж байгаа автобусууд анх танилцуулж байсан автобуснаас өөр байна гэх шүүмжлэл өрнөж эхлэв.
Эл шүүмжлэлд Хотын даргын хэвлэлийн төлөөлөгч Н.Сугар дараах тайлбарыг хийжээ. Тэрбээр, "Шинээр ирж байгаа автобусны зураг зөрж байна гэх шүүмжлэл гарч байна. Шинэ автобуснууд хамгаалалтын хуулгатай замд явах юм билээ. Улаанбаатарт ирсний дараа хуулгыг авна. Автобуснууд эхний зураг дээрх шиг өнгө үзэмжтэй ирнэ" гэжээ.