Манай улс БНХАУ-ын "Yutong Bus" компанийн үйлдвэрээс худалдаж авч байгаа нийтийн тээврийн шинэ автобуснуудын хоёр дахь ээлжийн 50 ширхэг нь энэ сарын 12-нд Улаанбаатар хотод ирээд байгаа юм.
Тэдгээрийг хэзээ үйлчилгээнд гаргах талаар албаны эх сурвалж "Хоёр дахь ээлжийн шинээр ирсэн Yutong загварын 50 автобусанд смарт картын төхөөрөмж суурилуулах ажил хийгдэж байна. Өнөө маргаашгүй үйлчилгээнд гаргана" гэдгийг хэллээ.
Одоогоор "Yutong Bus" компаниас худалдаж авах 620 автобусны 85-ыг нь хүлээж аваад байна. Цаашид автобуснуудыг дараах хуваарийн дагуу нийлүүлж, ирэх сарын 4-нд сүүлийн ээлжийн 64-ийг авахаар төлөвлөжээ.
