ОХУ-ын Онцгой байдлын яамны харьяа “Иргэний хамгаалалтын академи”, “Гал эсэргүүцэх албаны академи”, Санкт-петербург хотын “Гал эсэргүүцэх албаны их сургууль”-ийн бакалаврын 4-5 жилийн хөтөлбөр (хэлний бэлтгэл)-д ДХИС-ийн Онцгой байдлын сургуулийн сонсогч (1 дүгээр курс), Орос хэлний мэдлэгтэй Ерөнхий боловсролын сургуулийн төгсөх ангийн сурагчдаас тус тус сонгон шалгаруулж суралцуулна.

Тавигдах шаардлага:

• Дотоод хэргийн их сургуулийн Онцгой байдлын сургуулийн сонсогч /дүнгийн голч 3.0 ба түүнээс дээш/,

• Ерөнхий боловсролын сургуулийн төгсөх ангийн сурагч /2024.09.01-ний байдлаар 18 нас хүрсэн байх/ сонгон шалгаруулна.

• Гадаад паспортын хугацаа 2029 оны 12 дугаар сарын 31-ний өдөр хүртэл хүчинтэй байх

Бүрдүүлэх баримт бичиг:

• Өргөдөл

• Сонгон шалгаруулалтад орохыг дэмжсэн сургуулийн захирлын албан бичиг:

• Хагас жилийн дүнгийн тодорхойлолт;

• Иргэний үнэмлэхийн хуулбар /e-mongolia/

• Гадаад паспортын хуулбар

• Цээж зураг /3*4/

Хугацаа:

Материалыг Онцгой байдлын ерөнхий газрын Захиргааны удирдлагын газарт /[email protected]/ цахим хаягаар 2024 оны 03 дугаар сарын 29-ний өдрийн дотор ирүүлнэ үү.

(Харилцах утас: 51-262510, 88052696)

Сонгон шалгаруулалтыг 4 дүгээр сарын эхний долоо хоногт хүсэлт гаргасан алба хаагч, сонсогч, төгсөх ангийн сурагчдаас “Математик”, “Физик”, “Биеийн тамир”, “Ярилцлага”, “Орос хэл”-ний шалгалтыг авч ТТАХНЭ-ийн урьдчилан сэргийлэх үзлэг, СЭМҮТ-ын урьдчилан сэргийлэх үзлэгүүдэд хамруулж сонгон шалгаруулна.