Үндэсний брэнд хөгжүүлэгч “Хөх Үүр” групп Япон улс руу жил бүр 500 орчим тонн айраг экспортлохоор гэрээ хийжээ.
Тодруулбал, Японы улсын нэр хүнд бүхий гоо сайхан, эрүүл мэндийн бүтээгдэхүүн үйлдвэрлэгч “BOLD BIO TECHNOLOGY” LLC айрагнаас “үүдэл эс” гарган авах судалгааг амжилттай хийж, улмаар тус үүдэл эсээр гоо сайхны бүтээгдэхүүн үйлдвэрлэхээр болжээ.
Айрагнаас гарган авсан үүдэл эсийн найрлага бүхий “AIRAG exosome” гоо сайхны бүтээгдэхүүн “amazon” худалдааны сүлжээгээр дэлхий даяар худалдаалагдаж эхэлсэн байна. Иймээс жил бүр 500 тонн айраг худалдан авах гэрээг Хөх Үүр Агра ХХК-тай байгуулжээ.
