Чингэлтэй дүүргийн 15 дугаар хорооны нутаг дэвсгэрт өчигдөр 19:00 цагийн орчимд "Toyota Prius" загварын автомашин "Hyundai Verna" загварын автомашинтай мөргөлдсөн осол гарсан.
Ослын улмаас явган зорчиж явсан 4-14 насны зургаан хүүхэд, нэг том хүн мөргүүлж, 16 настай охин газар дээрээ амиа алдсан харамсалтай хэрэг гарсан. Осолдсон хүмүүсийн биеийн байдал ямар байгаа талаар ГССҮТ-ийн мэргэжилтнээс тодрууллаа. Тэрбээр “Автомашинд дайруулсны улмаас осолдсон нэг том хүн, таван хүүхэд өчигдөр манай эмнэлэгт ирсэн. Тэдний хоёр нь эрчимт эмчилгээний тасагт хэвтэн эмчлүүлж байгаа. Харин хоёр нь хүүхдийн мэс заслийн тасагт, нэг нь толгойн мэс заслийн тасагт хэвтэн эмчлүүлж байгаа. Хавсарсан гэмтэлтэй ирсэн тэдэнд нарийн мэргэжлийн шинжилгээ хийсэн. Одоогоор мэс засал төвлөгдөөгүй байна. Эмч, эмнэлэгийн ажилчид шуурхай арга хэмжээ авч ажиллаж байгаа”гэв.
Цагдаагийн байгууллагаас дөнгөж сая уг хэргийн талаар мэдээлэл өгсөн бөгөөд ослын шалтгаан нөхцлийг тодруулахаар ажиллаж байна гэсэн юм.