АНУ-ын шинээр сонгогдсон Ерөнхийлөгч Д.Трамп Тангараг өргөх ёслолынхоо өмнөх өдөр “Америкийг дахин агуу болгоё” ялалтын арга хэмжээг зохион байгууллаа.
Тус арга хэмжээнд Монгол Улсаас АНУ-д суугаа онц бөгөөд бүрэн эрхт Элчин сайд Ө.Батбаяр оролцов.
Д.Трамп түүхэн эргэн ирэлтээ тэмдэглэн зохион байгуулсан уг арга хэмжээ Вашингтон хотноо болсон бөгөөд 20,000 гаруй хүмүүс оролцлоо. Энэхүү арга хэмжээ нь Тангараг өргөх ёслолын цуврал арга хэмжээнүүдийн нэг бөгөөд бямба гарагийн орой мөн Виржиниа муж дахь өөрийн гольфын талбайд салют буудуулан тусгайлан оройн зоог барив.
Мөн арга хэмжээний үеэр хилийн аюулгүй байдал, эрчим хүч зэрэг Д.Трампын Засгийн газрын нэн тэргүүнд хэрэгжүүлэх арга хэмжээнүүдийг танилцуулав.