Өмнөговь аймгийн өвлийн аялал жуулчлалын ууган эвент болох “Түмэн тэмээний баяр” арга хэмжээ 24 дэх жилдээ энэ  сарын 5-7 өдрүүдэд Өмнөговь аймаг Даланзадгад суманд болж байна. “Түмэн тэмээний баяр” арга хэмжээ нь зохион байгуулагдаж эхэлснээр тэмээ болон тэмээний өв соёлд олон нийтийн анхаарлыг хандуулж, хоёр бөхт тэмээний үнэлэмжийг нэмэгдүүлэхээс гадна өвлийн аялал жуулчлалыг хөгжүүлэх шилдэг менежмент болж чадсан билээ. 

Энэ үеэр  шилмэл тэмээний дуудлага худалдаа,  тэмээн поло тэмцээний тоглолтууд, тайлаг тэмээний бооцоот уралдаан, тэмээ миний найз гар зургийн уралдаан”-ны бүтээлүүдийн үзэсгэлэн,  “Гоё тэмээтэй сайхан хос”- ын тэмцээн зэрэг зохион байгуулагдах юм.