Өнгөрсөн хоногт нийслэлийн хэмжээнд гал түймрийн зургаан дуудлагатай хоножээ. Үүнээс томоохон хэмжээний дуудлага 06:50 цагт Сонгинохайрхан дүүргийн 32 дугаар хороонд автомашин, сендвичин барилга шатаж байна гэсэн дуудлага ирсэн байна.
Дуудлагын дагуу Баянгол дүүргийн Онцгой байдлын хэлтсийн Гал түймэр унтраах, аврах 18-р ангийн бүрэлдэхүүнийг очиход 96х6 хэмжээтэй сендвичин хоёр давхар барилга, 15х15 хэмжээтэй сендвичин граж, дөрвөн автомашин шатаж байжээ. Нэмэлт дуудлагаар 07:08 цагт Сонгинохайрхан дүүргийн Онцгой байдлын хэлтсийн Гал түймэр унтраах, аврах 26 дугаар ангийн бүрэлдэхүүн гарч 07:19 цагт очиж, ж 07:10 цагт гал түймрийн тархалтыг зогсоож, 08:10 цагт бүрэн унтрааж ажиллалаа.
Томоохон хэмжээний объект, гэр хорооллын айл өрхийн байшин, автомашин шатсан дуудлага буурахгүй байна.
Шөнийн цагаар гарч буй гал түймэрт иргэд өртөж угаартах, амь насаа алдах эрсдэлийг дагуулж байгаа тул галлагааг хэтрүүлэлгүй, цахилгааны хэт ачаалал үүсгэхээс сэргийлж, аюулгүй байдлаа хангахыг онцгойлон анхааруулж байна.
