Сүүлийн үед "Монгол шуудан: Хүчингүй шуудангийн хаяг илэрсэн тул илгээмжийг бөглөх боломжгүй бөгөөд линк дэх шуудангийн хаягийн мэдээллийг 24 цагийн дотор баталгаажуулна уу. htts://mongolpost.mn-check.lol/MN

(Y гэж хариулж , мессежээс гараад холбоосыг идэвхжүүлэхийн тулд дахин нээнэ үү. эсвэл холбоосыг Safari хөтөч дээрээ хуулж аваад нээнэ үү)

Бид танд аль болох хурдан хүргэх болно, өдрийг сайхан өнгөрүүлээрэй.

"Мэдээлэл дутуу байсан тул таны илгээмжийг логистикийн төвд хадгалсан. Хаягаа хугацaaнд нь бөглөнө үү https://... " гэх мэт хуурамч мессежийг иргэдэд илгээн хувийн болон дансны мэдээллийг авч буруугаар ашиглах оролдлого нэмэгдэж байгаа аж.

Монгол шуудан нь иргэн таны дансны мэдээллийг онлайнаар авах хүсэлт гаргадаггүй бөгөөд сэжигтэй бөгөөд тодорхойгүй эх сурвалжаас ирсэн холбоос дээр дарж, хувийн мэдээлэлээ бусдад тараахаас сэргийлээрэй хэмээн сануулжээ.

Тус байгууллага нь "Та манай байгууллагын илгээмжтэй холбоотой мэдээллээ зөвхөн дараах сувгуудаас шалгах боломжтой. Лавлах утас: 1800-1613, Вэбсайт: www.mongolpost.mn (Монгол Шуудан ХК-ийн албан ёсны утас, вэб хаягийг мөн эсэхийг заавал нягтална уу.) Хэрэв та хуурамч мессеж хүлээн авлаа гэж үзсэн тохиолдолд албан ёсны холбоо барих хэрэгслээр бидэнтэй холбогдоно уу" хэмээн сэрэмжлүүлэг гаргасан байна.