Улаанбаатар хотын хэмжээнд зам засварын ажил үргэлжилж байгаа билээ. Энэ хүрээнд гадна тойруугийн 4-р хэсэг, Дарь-Эхийн авто замаас Ганц худаг, Цагаан даваа чиглэлд шинээр барьж буй 3 км авто замын ажил үргэлжилж байна.
Одоогоор замын суурь хучилтын ажил дуусч, өнгө хучилт авахад бэлэн болжээ. Замын ажлын явц 90 хувьтай байгаа бөгөөд энэ сарын 15-нд ашиглалтад оруулах ажээ. Их тойруугийн замын хөдөлгөөний ачааллыг бууруулах онцгой ач холбогдолтой Гадна тойруугийн энэ хэсгийг Нийслэлийн Авто замын хөгжлийн газрын захиалгаар УБЗЗАГ-ын замчид барьж байгаа аж.
