Хөлбөмбөгийн ДАШТ өчигдөр ОХУ-ын нийслэл Москва хотноо эхэлсэн. Тус улс уг тэмцээнийг анх удаагаа зохион байгуулж байгаа нь энэ юм.

Дэлхийн аваргын цомын төлөө сар орчим хугацаанд  дэлхийн хөлбөмбөгийн одууд тэмцэлдэх бөгөөд  нийтдээ 11 хотын 12 цэнгэлдэх хүрээлэнд 64 тоглолт болох аж.

FIFA-ийн мэдээлснээр 2.5 сая тасалбар борлуулагдснаас 900 мянга орчмыг нь оросууд худалдан авчээ. Тэдний араас Америкийн фанатууд жагссан байна. Тодруулбал америкчууд 100 мянга орчим тасалбар худалдан авсан бол тасалбар худалдан авсан дүнгээр бразильчууд гуравдугаарт жагсчээ.  Хөлбөмбөгийн ДАШТ зохиогдох нэг сарын хугацаанд ОХУ-д 1.5 сая гаруй жуулчин ирнэ гэж тооцоолсон байна.