Нүүрсний хэргээр хоригдож байсан “Эрдэнэс Тавантолгой” ХК-ийн Гүйцэтгэх захирал асан Б.Ганхуягийг батлан даалтаар сулласан байна. Тухайлбал, цагдан хорих хугацаа нь дууссанаар сулласан гэдгийг Чингэлтэй дүүргийн Эрүүгийн хэргийн анхан шатны шүүхээс мэдэгдлээ.
Өмгөөлөгч нар нь “Б.Ганхуягийг цагдан хорих хугацаа дуусч буй тул батлан даалтаар суллаж өгнө үү” гэсэн хүсэлт гаргасныг Чингэлтэй дүүргийн Эрүүгийн хэргийн анхан шатны шүүх хэлэлцэн, шийдвэрлэсэн байна. Хэргийг эргэн сануулахад, Авлигатай тэмцэх газар өнгөрсөн оны арванхоёрдугаар сарын 7-8-нд гүйцэтгэх ажиллагаа явуулж, нэр бүхий найман хүнийг саатуулсан юм.