ХУРААХ

ҮЙЛ ЯВДЛЫН ТОВЧООН

Монгол Улсын нийт хүн ам

Марафоны үеэр эмнэлгийн яаралтай тусламжийн таван цэг ажиллана

O.Admin
2023-06-02

“Улаанбаатар марафон”-ы үеэр иргэдийн эрүүл мэнд, аюулгүй байдлыг хангах чиглэлээр хэрхэн ажиллах талаар Нийслэлийн Эрүүл мэндийн газрын Эмнэлгийн тусламжийн ахлах мэргэжилтэн Д.Энхтүвшин мэдээлэл өглөө.

Гүйлт болох зам, талбайд эмнэлгийн яаралтай тусламжийн таван цэг байрлаж ажиллана. Тодруулбал, Гараа, барианы хэсэг, Сансарын туннелийн уулзвар, Чойжин ламын сүм музейн дэргэд, 45 дугаар сургууль буюу ОБЕГ-ын хажууд, мөн Хүүхдийн урлан бүтээх төвийн урд буюу “Модерн номадс”-ын хойд хэсэгт байрлана. Түүнчлэн МУИС болон МУБИС-ийн уулзвар, “Бишрэлт” их дэлгүүрийн дэргэд түргэн тусламжийн машин байрлаж, иргэдэд эмнэлгийн тусламж, үйлчилгээ үзүүлэхээр бэлтгэл ажлыг хангажээ.

Мөн гүйх тамирчдыг өнөөдөр эрт унтаж амрах, хүнд махан хоол бага идэж, илчлэг сайтай хоол идэх, гүйх үед шингэн их алддаг учраас усны цэгээс усаа авч, шимж уухыг, шинэ гутал холгодог учраас өмсөж дадсан хувцсаа өмсөхийг зөвлөлөө.