Тулгар Төрийн 2232, Их Монгол Улсын 817, Үндэсний эрх чөлөө, Тусгаар тогтнолоо сэргээн мандуулсны 112, Ардын хувьсгалын 102 жилийн ой, Үндэсний их баяр наадмын дааганы уралдаанд 217 хурдан даага бүртгүүлэн мордож барианд оржээ. 

Түрүүлж айрагдсан хурдан дааганууд дөнгөж сая наадмын талбайд орж ирж, шагналаа гардаж авлаа. Тодруулбал, 

- Түрүү магнайд Өвөрхангай аймгийн Тарагт сумын уяач Баттулгын Наранбатын халтар даага,.

- Аман хүзүүнд Өвөрхангай аймгийн Хархорин сумын уяач Цэрэндэндэвийн Дагвасүрэнгийн хул,

- Айргийн гуравт Сүхбаатар аймгийн Баруун-Урт сумын уяач Болдын Гөлөгсайханы сартай хар,

- Айргийн дөрөвт Сэлэнгэ аймгийн уяач Чойжамцын Чинбатын халтар,

- Айргийн тавд Увс аймгийн Өлгий сумын уяач Лхагвын Даваанямын хээр даага тус тус хурдалж, наадамчин олныг баясгав.