Нийслэлийн Засаг дарга Д.Сумъяабазар өнөөдөр албан ёсоор мэдээлэл хийж, "S'outlets" болон "Aqua garden" хорооллын хоёр блок барилга голын хамгаалалтын онцгой бүсэд баригдаж байгаа тул албадан буулгах захирамж гаргасан талаар мэдээлэл хийлээ.
Захирамжтай холбоотой барилгыг буулгахад аюулгүй байдал, орчны сөрөг нөлөөллийг багасгах бэлтгэл байдлыг хангах мөн нөхөн төлбөр, хохирлыг хэрхэн шийдвэрлэх бэлтгэл ажил хийх учиртай аж.
Голын голдиролд газар, барилгын зөвшөөрөл олгосон асуудлыг хуулийн байгууллага шалгаж эхэлсэн. Шалгалтын ажиллагаанд шийдвэр гаргасан албан тушаалтнууд татагдаж, буруутай бол хуулийн дагуу шүүх хариуцлага хүлээлгэнэ.
