Бага насны хоёр хүүхэд өндрөөс унаж, амиа алдсан харамсалтай хэрэг гарчээ. Тодруулбал, Баянзүрх дүүргийн “Харуул-Алтай” хотхоны дугаар тоотод цоожтой байсан бага насны хоёр охин цонхоороо унаж, амиа алджээ.
Охид тав, долоон настай эгч дүүс байжээ. Одоогийн байдлаар хэргийг Баянзүрх дүүргийн гуравдугаар хэлтэст шалгаж байна.
Гурав хоногийн өмнө ч үүнтэй адил хэрэг Сонгинохайрхан дүүргийн нутаг дэвсгэрт гарч, 5 настай хүү 10 давхрын цонхоор унаж амиа алдсан юм. Иймд эцэг, эхчүүд та бүхнийг бага насны хүүхдээ харгалзах хүнгүйгээр үлдээхгүй байхын сэрэмжлүүлж байна.