“Мазаалай” цас мөсний олон улсын наадам өчигдөр скай ресорт цанын баазад нээлтээ хийж, монголчууд нэг цагт хамгийн олон буюу 408 хүн нэгэн зэрэг гулгасан гэх үзүүлэлтээр Гиннесийн дээд амжилт тогтоосон билээ.
Уг наадмын хамтран зохион байгуулагчаар “Мөрөөдөл биелэх мөсөн Өргөө” AIC Steppe Arena ажиллаж байна. Мөсөн цогцолбороос Мөсөн өргөөгөөр үйлчлүүлэх эрхийн бичиг болон аренагийн буга, ирвэс, цагаан баавгай зэрэг нэрийн бүтээгдэхүүнийг худалдан авах боломжтой аж.
"Мазаалай" мөсөн цогцолборт энэ сарын 28-ныг дуустал өдөр бүр урлаг, соёл, спортын арга хэмжээг зохион байгуулах бөгөөд иргэдэд үнэ төлбөргүй үйлчилж байгаа аж.
