Зэвсэгт хүчний 017 дугаар ангийн барилгачин дайчдын барьсан спорт цогцолбор Дархан-Уул аймагт нээлтээ хийжээ. Нээлтийн ёслолд УИХ-ын гишүүн, УИХ-ын Ёс зүй, сахилга хариуцлагын байнгын хорооны дарга Б.Баттөмөр, УИХ-ын гишүүн, Монгол Улсын сайд, Олимп нийтийн биеийн тамирын үндэсний хорооны дарга Б.Бат-Эрдэнэ, ЗХЖШ-ын нэгдүгээр орлогч дарга бригадын генерал Ж.Өсөхбаяр, Зэвсэгт хүчний Тусгай хүчний цэргийн командлагч бригадын генерал Б.Баатар тэргүүтэй хүндэт зочид оролцсон юм.
Энэхүү "Darkhan-United arena" хэмээх спортын цогцолборын барилга нь 10 гаруй жилийн туршид "царцаж", хүлээгдсэн хэдий ч Зэвсэгт хүчний 017, 330 дугаар ангийнхан үргэлжлүүлэн богино хугацаанд чанарын өндөр түвшинд хийж гүйцэтгэн, хүлээлгэн өгсөн юм.
"Darkhan-United arena" хэмээх спортын цогцолбор нь 2200 хүний суудалтай 2 спорт заал, 1 усан бассейн, фитнесс буюу чийрэгжүүлэлтийн танхим, чөлөөт болон сонгомол барилдааны гээд тус бүр нэг нэг бэлтгэлийн заал, автомашины зогсоолтой байна.