"Тавантолгой түлш" ХХК-ийн удирдлагууд өнөөдөр шуурхай хуралдаж, хэд хэдэн асуудлаар мэдээлэл солилцжээ.
Тодруулбал, Мэргэжлээс шалтгаалах өвчин судлалын үндэсний төвөөс өнөөдөр баруун, төвийн үйлдвэрийн ажилчдад “Мэргэжлээс шалтгаалах өвчин”-ны талаар сургалт зохион байгуулж байгаа аж.
Өнөөдрийн хуралдаанаар зүүн үйлдвэрийн хоёрдугаар цехийн шугам жигдрүүлэх ажлыг аравдугаар сарын 10 гэхэд бүрэн дуусгахыг үүрэг болгосноос гадна тус үйлдвэрийн гуравдугаар цехийн бүтээгдэхүүн үйлдвэрлэлийн хэмжээг нэмэгдүүлэхийг үүрэг болголоо.
Нийслэлийн хэмжээнд 43 агуулахад 89000 тонн шахмал түлшний нөөцтэй байна. ОБЕГ-ын гэрээт мэргэжилтний гэрээг сунгахыг Захиргаа, хүний нөөцийн хэлтэст үүрэг болгосон бол шахмал түлшний түүхий эд мидлингүүдийн дээжийг хөндлөнгийн лабораторит өгч шинжлүүлэхийг үүрэг болгожээ.