Олон улсын эмэгтэйчүүдийн баярт зориулсан дуучин Б.Баярцэцэгийн амьд тоглолт гуравдугаар сарын 7,8-ны өдрүүдэд АСА арена цэнгэлдэх хүрээлэнд болох гэж байна.

Энх орчлонг бүүвэйлэх яруу тунгалаг хоолой, эх үрсийн элбэрэл хайрын сэтгэлийг тэр дуулах нь ээ. Эрхэмсэг, элгэмсэг монгол бүсгүйн энгүй ялдамхан аалийг харуулан дуулна. Түүний "Дурласан нүд" "Хазаар цэцэгсийн дуулал"-ыг "Бүсгүйн заяа", "Тэнгэрт харвасан од" зэрэг олон гайхалтай уран бүтээлийн дуунд дуртай монголчууд шимтэн сонсдог. 

Дуучин Б.Баярцэцэг өөрийн дуртай хит дуунууд болон шинэ бүтээлүүдээрээ дүүрэн гайхамшигтай оройг танилцуулахаар таныг урьж байна. Хамгийн сүүлийн уран бүтээлүүдийг нь түүнчлэн та бидний зүрх сэтгэлд хоногшсон дурсамжтай дуунуудыг амьд хөгжмийн хамт танд мэдрүүлэх юм.

Алгасахын аргагүй нэгэн гайхамшигтай үдшийн түүхийг танд бэлэглэхээр "TJ international" продюсер центр, "D Light8 Shoppy" хамтран ажиллаж байгаа аж. Эрхэм сонсогч, эрхэмсэг бүсгүйчүүд та бүхэн гэр бүлийн хамт энэ гайхалтай үдшийг өнгөрөөгөөрэй.