ОХУ-ын Ерөнхийлөгч В.Путин зарлиг гаргаж, дуучин, жүжигчин Дима Биланд Гавьяат дуучин цол хүртээжээ.
Ерөнхийлөгчийн зарлигт “Үндэсний соёл урлагийг хөгжүүлэхэд олон жил үр бүтээлттэй ажилласан гавъяаг үнэлж дуучин Дима Биланд ОХУ-ын гавъяат дуучин хүндэт цолыг олгож байна” хэмээн дурьдсан байна.
Дуучин Дима Билан 1981 онд төрсөн бөгөөд хоёр ч удаа "Евровишн" олон улсын дууны уралдаанд Оросыг төлөөлөн оролцож байсан юм. Улмаар 2008 онд "Believe” дуугаараа нэгдүгээр байр эзэлж, "Евровишн"-д түрүүлсэн Оросын анхны дуучин болж байжээ.