АНУ-ын Ерөнхийлөгч Доналд Трамп өнөөдөр 20:00 цагт Сингапурыг орхино хэмээн Цагаан ордноос мэдээллээ.
Тэрбээр өнөөдөр өглөө 09:00 цагт Сингапурын Сентоза арлын Капелла зочид буудалд БНАСАУ-ын төрийн тэргүүн Ким Жон Унтай ганцаарчилсан уулзалт хийсэн бөгөөд эдүгээ тэдний уулзалт өргөтгөсөн хуралдаанаар үргэлжилж байна. Тус уулзалтад Умард Солонгосын талаас Ким Жон Уны дүү Ким Ёо Жон оролцох байсан ч, тодорхойгүй шалтгааны улмаас оролцоогүй байна. Харин уулзалтын дараа тэд үдийн зоог барих юм.
Түүнчлэн, 16:00 цагт талууд уулзалтын үр дүнгийн талаар хэвлэлийн бага хурал хийсний дараа Д.Трамп 20:00 цагт нутаг буцах аж.