АНУ, Умард Солонгосын төрийн тэргүүнүүдийн уулзалт үдийн зоогоор үргэлжиллээ. Харин үдийн зоогийн дараа хоёр улсын удирдагчид хамтдаа Капелла зочид буудал руу алхсан байна.
Тэд одоо уулзалтын үр дүн болгож, хамтарсан харилцан ойлголцлын санамж бичигт гарын үсэг зурах аж. АНУ-ын Ерөнхийлөгч Доналд Трамп үдийн зоогийн дараа зочид буудал руугаа алхаж явахдаа “Бодсоноос ч илүү гайхалтай уулзалт байлаа. Бид одоо баримт, бичигт гарын үсэг зурна” гэж сэтгүүлчдэд ярьжээ.
Одоогоор тэдний гарын үсэг зурах баримт бичгийн агуулга нь тодорхойгүй байгаа юм. Гэхдээ төрийн тэргүүнүүд өнөөдөр 16:00 цагт хамтарсан хэвлэлийн бага хурал хийх билээ.