Пёнчаны өвлийн олимпын уран гулгалтын төрөлд аваргалсан татар гаралтай ОХУ-ын тамирчин Алина Загитовад япончууд өөрийн Акита үүлдрийн гөлгийг бэлэглэж байсан билээ.
Тус гөлөгний нэр нь “Масарү” байсан юм. Тэгвэл тус нохойны үеэл болох “Масао” гэх гөлгийг япончууд мэргэжлийн сүмогийн их аварга Д.Дагвадоржид бэлэглэхээр болсон байна. Масао гөлөг Акита үүлдрийн нохойны төрсөн нутаг гэгддэг Акита мужийн Оодатэ хотод өнгөрсөн сард төрсөн аж. Масао улаан үстэй, эр гөлөг гэнэ.
Акита үүлдрийн нохойг хамгаалах нийгэмлэгээс эл үйл ажиллагааг зохион байгуулж байгаа аж. Тэд ирэх сард нохойгоо Асашёорюүд албан ёсоор гардуулахаар төлөвлөж байгаа юм байна.