Сонгинохайрхан дүүргийн хоёрдугаар хороо буюу Орбитын 34 дүгээр гудамжинд өчигдөр байшин шатаж, гурван хүн амиа алджээ. Галын дуудлагыг Онцгой байдлын хэлтсийн Гал түймэр унтраах, аврах 26 дугаар ангийн алба хаагчид шуурхай авч, 18:40 цагт ирсэн бөгөөд гал түймэрт 20 настай эрэгтэй С, 20 настай эрэгтэй Б, 17 настай эмэгтэй А нар өртөж, амиа насаа алдсан байсныг цагдаагийн байгууллагад шилжүүлэн өгчээ. Хэргийн газарт болон галын шалтгааныг тодруулахаар холбогдох албаны хүмүүс ажиллаж байгаа ажээ.
