ХӨСҮТ-ийн Тандалт, судалгааны албаны дарга А.Амбасэлмаа "Арванхоёрдугаар сарын 18-ны өдөр ХӨСҮТ, Зооноз, Дархан-Уул, Сэлэнгэ, Дорнодын салбар лабораторид 11,191 хүнд PCR шинжилгээ хийхэд 12 хүний шинжилгээнд коронавирус илэрсэн. Тухайлбал, зургаа нь Улаанбаатар хотод бүртгэгдсэн буюу Баянзүрх дүүргийн голомтоос илэрчээ. Харин энэ сарын 16-нд Франкфуртийн онгоцоор ирсэн зорчигчдын давтан шинжилгээгээр зургаан хүнд илэрсэн байна. Хавьтлуудын давтан шинжилгээнээс халдвар илрээгүй. Ийнхүү дотоодын халдвар 494, нийт батлагдсан тохиолдол 953 боллоо" гэв.
Дотоодод халдварын тоо:
- Сэлэнгэ аймаг - 216
- Улаанбаатар хот - 169
- Дархан-Уул аймаг - 45
- Орхон аймаг - 25
- Дорноговь аймаг- 32
- Говьсүмбэр аймаг - 4
- Архангай аймаг - 3