Байгалийн голомтот хурц халдварт өвчин гэгддэг тарваган тахал нь ХҮНД дараах замаар дамжин халдварладаг бөгөөд илрэх шинж тэмдэг зэрэг эрсдэлт хүчин зүйлсийг иргэд зайлшгүй мэдэж байх нь чухал гэдгийг Нийслэлийн эрүүл мэндийн газраас анхаарууллаа.
Тарваган тахал нь өвчтэй тарвага агнах, түүхий мах эвдэх явцад арьс салстын бүрэн бүтэн байдал алдагдсан үед, өвчтөнийг асарч сувилах, халдвартай эд зүйлстэй хамгаалах өмсгөлгүйгээр харьцах, мэрэгч амьтдын бүүрэгт хазуулах, тахлаар өвчилсөн тарваганы махыг дутуу боловсруулан хэрэглэх явцад, тарваган тахлын уушгины хэлбэрээр өвчилсөн хүнээс халдварладаг байна.
