“Төрийн Орон Сууцны Корпораци” ТӨХХК-ийн Сүхбаатар дүүргийн 11 дүгээр хорооны нутагт байрлах “Хангай хотхон”, Хан-Уул дүүргийн 21 дүгээр хорооны нутагт байрлах “Буянт Ухаа-2” хороололд “Төрийн түрээсийн орон сууцанд орон сууц түрээслэх гэрээ”-тэй иргэдийн гэрээний сунгалтыг 2021 оны наймдугаар сарын 10-ны өдрөөс эхлэн “Төрийн Орон Сууцны Корпораци” ТӨХХК-ийн 101 тоот өрөөнд хийж эхлээд байгаа аж.

Түрээслэгч та бүхэн даваа-баасан гарагийн 08:30-17:30 цагийн хооронд ирж, гэрээний сунгалтаа хийлгэх боломжтой бөгөөд үндсэн түрээслэгчид Иргэний үнэмлэх, Үл хөдлөх эд хөрөнгийн дэлгэрэнгүй лавлагаа /ТҮЦ машинаас авах/-г авч ирж, гэрээний сунгалтаа хийлгэхийг ТОСК-иас санууллаа. Мөн 89090017, 89090013 дугаарын утсаар лавлах боломжтой юм байна.