АНУ-ын нийслэл Вашингтон хотод орших Цагаан ордонд болсон уулзалтаар Ерөнхийлөгч Доналд Трамп, Еврокомиссын дарга Жан Клод Юнкер нар худалдааны асуудлаар санал солилцож хамтран ажиллахаар тохиролцжээ.

Тэгвэл энэ уулзалтын дараа Юнкер Д.Трампын баруун хацар дээр нь  үнссэн аж. Жан Клод Юнкер аливаа уулзалтын дараа харилцагчтайгаа гар барьж, түүнийхээ дараа баруун хацар дээр нь үнсдэг. Энэ бол түүний нэг имиж гэж хэлж болох билээ. Харин  Цагаан ордонд болсон уулзалтын дараа тэрбээр Д.Трампын хацар дээр анх удаагаа  үнссэн байна.

Энэ тухайгаа Юнкер Германы хэвлэлд өгсөн ярилцлагадаа “Миний байнга хийдэг зүйл шүү дээ. Тэр үед тэнд зурагчид байсан эсэхийг мэдэхгүй юм. Зургийг би биш, Д.Трамп олон нийтэд дэлгэсэн” гэж ярьжээ. Харин Д.Трамп твиттер хуудастаа Юнкерыг үнсч буй зургаа нийтэлсэн байжээ.